Jop boon ka NPP tangwa kiyi wow yoh u chna EC hapoh ka JHADC

Hadien wa dadep u niaw ya ki Vote wei da pynbna ya kiwa jop cha ka Election MDC 2025 cha ka JHADC, ka NPP da jop bood dooh ko deiwa yoh 13 ngut ki MDC, ka VPP 8 ngut, ka UDP 3 ngut, ka INC 3 ngut wa ar ngut ki kyrtong samen namo ki Independent wa kynthup ya u Moonlight Pariat na Jowai South wa ka Violet Lyngdoh na Rymbai Khliehriat.

Ka NPP da jop ko 9 ngut ki MDC na ki Constituency wa em ha West Jaiñtia wa 4 ngut won na East Jaiñtia.

Ka VPP da jop ko 6 ngut ki MDC na West Jaiñtia wa 2 ngut na East Jaiñtia.

Ka UDP da jop ko 2 ngut ki MDC na East Jaiñtia wa uwi na West Jaiñtia.

Related posts

Kyntu ka sorkar ya waroh ki nong India wow mih wut-wut na Iran

January 14, 2026

Lai khang ka JNC yei chim bai lai na ki kari ML04 wa ML11 ha Toll Plaza

January 14, 2026

Ka INC won da jop ko 2 ngut ki MDC na West Jaiñtia wa uwi na East Jaiñtia.

Lada ki le ngut ki MDC ka UDP lai kyrchaan ki ya ka NPP kamwa kyrchaan ha ka sorkar jylla, da dap bru ki wow chna ya ka EC wa thymme hapoh ka JHADC deiwa em 16 ngut.

Lada ka VPP, INC, UDP wa ki Independent krehlang ki daw em ki 16 ngut iwa da biang yow chna EC.