Ynne ka sngi ka Dorbar Chnong Wapungskur hapoh i yahkhmat u Waheh Chnong, u Postling Dkhar da lai yachem ki ya u Dolloi ka Elaka Jowai, u Puramon Kynjing wow booddien yei man i long heiyatoh wa i thmu wow chna ya kawi ka karkhana Coke ha Wapungskur.
Hadien ini i yachem, neiliang u Postling da ong u wa neiliang u Dolloi da pynche u heiyatoh wa ini i kaam wei da pynyoo u leh ya ka chithi na u Waheh Chnong ka Mookhep wow pyndam noh ya ka NOC cha ka karkhana wei ya ini daw leh hapoh chi sngi ar sngi.
Chooh chooh da ong u wa hadien wa u Dolloi pyndam u ya ka NOC cha kani ka karkhana daw phah u leh ya kani ka chithi cha waroh ki chnat sorkar.
Da khana u leh wa kani ka thaw wa thmu wow chna ya kani ka karkhana ym em ko hapoh i kajia tangwa em ko hapoh u pood ka chnong Wapungskur.
U Postling da pyntip u wa ha ka 4 tarik uni u bnai da yachem ki wa u DC ka East Jaiñtia heiwa oo leh da phah u ya ka hukum wow sangeh i kreh ya kani ka karkhana kat wym pu ye u pynbait yei wit i thut.
Hadien ini da lai yachem ki wa u CFO ka JHADC, u F. Blah heiwa da kular u wow pyndam noh ya kani ka NOC weiwa ya ki kot ki sla da leh hei pyrtuid ka Jel Chyrmang katwa ka CTE won da e hei pyrtuid ka OM OM Coke.
Discussion about this post