Jowai: Ynne ka sngi ha ka 1st JJM Nichols Roy Memorial Inter Office T20 Cricket Tournament, ka Veterinary da yachem ko waka 3rd MLP (IR) Battalion.
Ka Veterinary da jop ko ya ka kylla khlem wei da jied ko wow Bat nyngkong.
Kamtæ ka Veterinary da kamai ko 152 Run naka 20 Over deiwa dooh 9 tylli ki Wicket.
Neiliang kiwa Bat ka Veterinary kiwa da kamai boon Run toh u Deibormi Rangad uwa yoh 63 Run khlem em wa ye u pynhaap ya ka Wicket yong oo, u Hepmon Lyngdoh 18 Run wa u Dama Shwa uwa yoh 12 Run.
Kiwa kawang bol ka 3rd MLP kiwa da leh bha toh u Vijay Shah uwa pynhaap 2 Wicket na ki 4 Over wei da chah kamai u 26 Run, u Bikash Chettri uwa yoh 2 Wicket na ki 4 Over wei da e u 26 Run wa u Pynshlur Shadap uwa yoh chi Wicket na ki 4 Over wei da mih 29 Run na oo.
Ka 3rd MLP (IR) Battalion won hawa kdong ya ka thong wow jop da yoh ko 157 Run na ki 15 Over wei da dooh ko 7 Wicket.
Kiwa Bat ka 3rd MLP kiwa da leh bha toh u Bahunlang Gashnga uwa da yoh 23 Run kamjooh u Mum Mum Sang uwa yoh i jooh ki Run wei pyn-ar ngut ym eh haap ka Wicket yong ki wa u Pynshlurbha Shadap uwa yoh 23 Run.
Kiwa kawang bol ka Veterinary kiwa da leh bha toh u Deibormi Rangad uwa da yoh 3 Wicket na ki 4 Over wei da chah kamai u 15 Run, u Deibha Rymbai uwa da yoh 2 Wicket na ki 2 Over wei da e u 25 Run wa u Hepmon Lyngdoh uwa yoh 2 Wicket naka chi Over wei da chah kamai u 16 Run.
Kamtæ ka 3rd MLP (IR) Battalion da jop ko da 3 Run.
Discussion about this post