Kam chibynta wow pynjanai ya i puræ puthi neibynta ki khynnah, ka yung krehkaam ka District School Education Officer (DSEO), East Jaiñtia Hills District ha ka 11 tarik uni u bnai da pynman ko ya ka District Level Science, Mathematics & Environment Exhibition ya ki khynnah Secondary School hajrong ka phang wa ong “Science and Technology for Sustainable Future”.
Ya kani ka Exhibition da pynman ha Jaiñtia Eastern College, Khliehriat.
Ha kani ka sngi da emlang ka Assistant Soil & Water Conservation Officer, ka R. Laloo, u Assistant Professor ka Jaiñtia Eastern College, u Nishwa Rymbai, ka Block Technology Manager na ka Agriculture Department, ka Academy Sutnga, u Special Educator, u Salanbor Kamar, kiwa kreh ka DSEO, kiwa sikai kamjooh ki khynnah.
Ki khynnah na kylleiñ ki skur ka District da chimbynta chongchit ki ha kani ka Exhibition heiwa da pynyoo ki ya ki sap yong ki ha ki phang waphær wahær nadooh ka Science, i baam, i chait i khiah, kammon wow pyntip smat lada khih khmi, i chah ktah nei pam khloo wa kiwi kiwi.
Hadien ini da saam ya ki Certificate wa ka song poisa cha kiwa jop kamjooh ka Certificate chimbynta cha waroh ki khynnah wei da e leh ya ki Mementos cha ki skur wa chimbynta.
Ka Tumpa Nath na ka Ambrose Memorial Secondary School, Khliehriat da yoh ko ya ka First Prize, bood sa ka Mehek Ansari na Little Star Secondary School, Ladrymbai heiwa ar wa ka Baphindarisha Dkhar na Khliehriat Higher Secondary School, Khliehriat hei wa le.
Discussion about this post