Ka Amity Cricket Club ynne da jop ko da 7 Wicket yaka Umshangiar ha ka Under-19 Boys T20 Cricket Tournament wa da pynman da ka West Jaiñtia Hills District Cricket Association, ha Madan Jrisaleiñ Chutwakhu, Jowai.
Ya ka kylla khlem da jop daka Umshangiar wei da jied ko wow Bat nyngkong heiwa da yoh ko 80 Run deiwa dooh lut ki Wicket waroh. U Kamohi Najiar da kamai u 15 Run na ki 20 bol. Neiliang ka Amity u Damehi Rangad da yoh u 2 Wicket naki 3 Over, u Puraki Shadap Passah da yoh u 3 Wicket naki 5 Over katwa u Chanlangki Lypon leh da yoh 3 Wicket tangwa naki 4 Over.
Hawa beh won yaka thong, ka Amity da jop ko deiwa yoh 84 Run lyngba u Riata Lytan 37 Run wa u Puraki Shadap Passah 15 Run (Not Out). Neiliang ka Umshangiar, u Tremi Phawa da yoh u 1 Wicket naka 3.4 Over deilang wa Rishanmi Niangti uwa da yoh leh 1 Wicket na ki 3 Over.
Ya i naam Man of the Match da yoh da u Puraki Shadap Passah neibynta ki 3 Wicket waka 15 Run (Not Out).
