Ka 1st War Jaiñtia Invitation Football Tournament 2025 dapoi ko cha wakut ha ka 17 tarik uni u bnai deiwa wan sakhi u BS Hayong, Retired Geologist ka ONGC uwa man leh u Convener ka WJSU uwa da kyrpaad ya u MLA ka thaaiñ wow thooh laad wow kyrchaan ya ka seiñ lyngba ka District Mineral Foundation (DMF) yow chna ya ka madan Artificial Turf.
Da emlang leh ha kani ka sngi wa u Aibor Khongjee, uwa jooh man kam uwa yalehke ka India wei u Coach ka Rangdajied United FC uwa da e ki kyntien e mynsien ya kiwa yalehke.
Neiliang u MLA ka thaaiñ, u Lahkmen Rymbui da yaroh u ya ka WJSU deiwa ong wow kreh chitom ko chooh chooh wow e kyrchaan ya ki paaid ka thaaiñ War Jaiñtia waroh kawi wa ya ka Bri U Ynñiawtrep.
Ka Final wa da pynman toh hapyrdi ka Amlarem Social Club, Amlarem wa ka Syndai Pyllun Sports Club, Syndai heiwa ka Amlarem da jop ko da 4-0 da ki kool wa thap u Tip Rasmut ha ka minit wa 20, u Pharangki Buam ha ka minit wa 40 wa 87 wa u Pdiang Suting.
Yei naam Most Disciplined Team doh rah da ka Padu United, yei naam Best Player da yoh rah da u Refill Syndai, yei naam Top Scorer da yoh rah da u Tip Rasmut wei yei naam Best Goalkeeper da yoh rah da u Kitbok Buam.
Neiliang Sports & Youth Sub Committee ka WJSU da pynbna paidbah ko wa ha ka 24 tarik uni u bnai ha madan Pdengshakap daw pynman ya ka yalehke hapyrdi ka Rangdajied pyrchah ya ka War Jaiñtia XI.
Ha ka 27 tarik won ha madan Dawki daw pynman ya ka yalehke hapyrdi ka Langsning FC pyrchah ya ka Amlarem SC.
Discussion about this post