Jop ka Bamkamar Wah wa Lumkynsaw ha ka 2nd Division, ka Lumphyrnai Sohphoh ha ka Super Division ka TSA

Ki yalehke 2^nd Division wa Super Division ka Thadlaskeiñ Sport Association (TSA) da pteiñ ki ynne.

Ha ki yalehke ka 2^nd Division, ka Bamkamar Wah da jop ko ya ka Thadmynri da 2-0 da ki kool wa thap u Iaishah Nongrum ha ka minit wa 19 wa u Sbun John Langshiang ha ka minit wa 28.

Ha ka yalehke wa ar, ka Lumkynsaw da jop ko ya ka Hunlang I Moobakhon da 2-1. Ya ka Lumkynsaw da thap da u Jonan Suting ha ka minit wa 2 wa 8 katwa ya ka Hunlang I Moobakhon da thap da u Ritikna Lamare ha ka minit wa 57.

Ha ka Super Division won da jop ka Lumphyrnai Sohphoh ya ka Pohskur Phyllong Iingkhaw da 7-2.

Ya ka Lumphyrnai Sohphoh da thap da u Risuk Suting ha ka minit wa 12, u Pynbiang Mynsong ha ka minit wa 29 wa 43, u Wellson Suting ha ka minit wa 51 katwa u Sumar Suting da yoh Hat-Trick u deiwa thap ha ka minit wa 47, 54 wa 90+3.

Related posts

U pdiang biang ka India ya ka Formula 1 Race ha u 2027

April 13, 2026

Yoh wa le uwa na Jowai ha ka National Supercross

April 12, 2026

Ya ka Pohskur Phyllong Iingkhaw da thap da u Jendeng Mukhim ha ka minit wa 18 wa u Samboi Mukhim ha ka minit wa 81.

Ki yalehke mynstep man ki kamni:

2nd Division

Mukhla nongrim Vrs United Phyllong Iingkhaw (10AM)

Mukhla Sohshrieh Vrs Maya Club Umjlasiaw (12PM)

Super Division

Wahiajer Vrs Niriang SC (3PM)