Shillong: Ka Meghalaya da rem ko haka Bengal da 54 Run haka Syed Mushtaq Ali Trophy haka yalehke wa pynman ha Mumbai ynne ka sngi.
Ka Meghalaya da jop ko yaka kylla khlem wei da jied ko wow phah Bat nyngkong yaka Bengal kawa da kamai wut wut ya ki Run deiwa yoh 207/4 na ki 20 Over. Kiwa kawang bol ka Meghalaya kiwa lehbha toh u Abhay Negi (2/31), u Raj Biswa (1/32) wa u Kilco Marak (1/32).
Ka Meghalaya da chemchitom ko wow kdong ya kani ka thong kawa heh tangwa da pyrchang ki katwa ye khamtam u Sanjay Yadav uwa kamai 45 Run wa u Mark Ingty uwa kamai 39 Run wow pynpoi yaka Meghalaya 153/4 na ki 20 Over.
Ya u Ingty kani man ko ka sien wa nyngkong wa chimbynta u haka T20 haka kyrdan State Level wei i kamai Run wa boon dooh u ha waroh ki jait yalehke Cricket haka kyrdan State Leve. U Ingty toh uwa kawang bol.
Discussion about this post