Jowai: Ynne ka sngi ka WJDSA da pynman ko artylli ki yalehke ka 3rd Division heiwa ha ka yalehke wa nyngkong da pynman ha pyrdi ka Caroline waka Khliehmyntdu Neinchnong.
Ka Caroline da jop ko da 4-1. Ya ki kool ka Caroline da thap u Ioolang Lathong ha ka minit wa 3 wa 54, u Mandahame Lamurong ha ka minit wa 6 wa u Donald Litting ha ka minit wa 22. Ya ka Khliehmyntdu Neinchnong da thap u Mehi Phawa ha ka minit wa 44.
Ha ka yalehke wa ar ka Catholic Youth Mihmyntdu da pynrem ko ya ka Sailung Ialong da 3-0.
Ya ki kool da thap u Nehlang Dkhar ha ka minit wa 10, u Kynmoolang Phawa ha ka minit wa 32 wa u Ebormi Lyngdoh ha ka minit wa 56.
Mynstep ka 25 tarik daw em 3 tylli ki yalehke ka 3rd Division heiwa heipor 11:30 ka Luti Tuber Ialong u yachem ko waka Kyndongtuber, heipor 1 waje ka Khliehmuchut u yachem ko waka Iamwulong Nartiang, heipor 2:30 won ka Salini u yachem ko waka Muphlang.
Discussion about this post