Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 12 tarik da ki le tylli ki yalehke ha madan bol ka Umkiang.
Ha ka yalehke wa nyngkong da pynman hapyrdi ka Chiehruphi SYWSC B pyrchah ya ka Sonapyrdi FC B kawa da jop da ka Chiehruphi da 2-1. Ya ka Chiehruphi da thap da u Same Rymba (25 min) wa u Suting Syrti (49 min) katwa ya ka Sonapyrdi da thap da u Daiapherbha Lamare (38 min).
Ha ka yalehke wa bood kawa hapyrdi ka Lumsohskie FC waka Umkiang B (Wahkoh), da jop da ka Lumsohskie da 3-0 da ki kool wa thap da u Selukus Dhar (12 min), Emando Lalooh (23 min) wa u Rahul Pohtam (45 min).
Hapyrdi ka Tongseng Narpuh FC B waka Wahjaier Narpuh FC B, da jop da ka Tongseng da 2-1 heiwa ya ka Tongseng da thap kool da u Dewan Lyngwar (12 min), u Hunlut Lyngdoh (45 min) katwa ya ka Wahjaier da thap da u Nangbha Pohban (39 min).
