Jop ka Chilliangraij wa ka Lion ha ka 1st wa 2nd Division ynne ka sngi

Jowai: Ka lympung 1^st Division wa 2^nd Division Football Tournament wa pynman da ka WJDSA dang pteiñ ya ka heiwa ynne ka sngi ha ka 2^nd Division ka Lion da jop ko ya ka Mihmyntdu Riatsaliya da 2-0.

Ya ki kool ka Lion da thap da u Sandywell Syngkrem ha ka minit wa 34 wa na u Deibormi Rngad ha ka minit 80+1.

Ha ka yakhun 1st Division won ka Chilliangraij da jop ko ya ka Panaliar da 3-2.

Ya ki kool ka Chilliangraij da thap da u Owan Dan ha ka minit wa 53 wa 76 wa na u Datngen Dan ha ka minit wa 59, katwa ki kool ka Panaliar won da thap da u Deisai Phira ha ka minit wa 38 wa na u Dari Thma ha ka minit wa 71.