Ka lympung yalehke wa tip kam ka District Cricket League 2024 wa da pynlai da ka West Jaiñtia Hills District Cricket Association ha Khliehtyrshi Mini Stadium, ynne da man ko hapyrdi ka Cultural Youth Club Mowkaiaw (CYCM) waka Northeast Adventist University Cricket Club (NEAUCC).
Ya ka kylla-khlem da jop da ka NEAUCC wei da jied ko u kawang bol nyngong heiwa ka CYCM da ye ko u kamai 183 Run na ki 32.5 Over deiwa dooh waroh ki Wicket. Kiwa rap Bat bha na ki toh u Ardakirang Rymbai uwa yoh 67 Run na ki 66 bol katwa neiliang ka NEAUCC won da ka bol da lehbha u Rikku T Sangma uwa yoh 3 Wicket na ki 7 Over.
Hawa kdong yaka thong, ka NEAUCC da yoh ko du 138 Eun na ki 32.5 Over deiwa dooh lut ya waroh ki Wicket. Kiwa rap kamai boon toh u Sengman M Marak uwa da yoh 65 Run na ki 72 bol, katwa neiliang ka CYCM kiwa rap bol bha toh u Regardful Lapasam uwa yoh 4 Wicket na ki 6.5 Over.
Kamtæ ka Cultural Youth Club Mowkaiaw da jop ko da 45 Run.
Ya i naam Man of the Match da yoh da u Regardful Lapasam yong ka Cultural Youth Club Mowkaiaw.
Discussion about this post