Ka Saipung Block Sports Association (SBSA) ynne da pyndep ko ya yalehke Final ka 2nd Division wa ka 1st Women’s Edition League Tournament 2025.
Ka yalehke da sdang ko da ki yong ki kynthai hapyrdi ka Daistong WSC wa ka United Biate WSC kawa da kut da 1-1 hadooh wa kut i por.
Ya ka United Biate da thap da ka Elijabeth Thianglai ha ka minit wa 53 katwa ya ka Daistong da thap da ka Happily Lyngdoh ha ka minit wa 57.
Kamtæ da pynman dei yachut Tie-Breaker heiwa ka Daistong da jop ko da 3-1 ya ka United Biate.
Yei naam Best Player of the Tournament da yoh da ka Saphapaya Lyngdoh katwa yei naam Player of the Match da yoh ka Happily Lyngdoh kiwa waroh ar na Daistong.
Ka yalehke 2nd Division ki chynrang da kut ko da 0-0 hapyrdi ka Sakhaiñ Mooliment SC wa ka Jai Jai United.
Hei yachut Tie-Breaker, ka Sakhaiñ Moliment da jop ko da 4-1 ya ka Jai Jai United.
Yei naam Best Player of the Tournament da yoh u Alnes Lamare, yei naam Best Goalkeeper of the Match da yoh u Chirup O Tre Suja kiwa waroh ar na Sakhaiñ Mooliment katwa yei naam Player of the Match da yoh u Ronsingh Shylla na ka Jai Jai United.
Ka Sakhiañ Mooliment wa ka Jai Jai United da yoh ki wow ku cha ka 1st Division ha u snem wow wan.
Discussion about this post