Jop ka Dkhiah West ya ka 3rd Division, ka Musniang ya ka 2nd Division

Ka East Jaiñtia Hills District Football Association (EJHDFA) ynne da pyndep syndon ko ar tylli ki yalehke Final kitæ yong ka 3^rd wa 2^nd Division.

Ha ka 3^rd Division da pynman hapyrdi ka Lumshnong YWSC wa ka Dkhiah West SC heiwa ka Dkhiah West da jop ko da 1-0 da ka kool wa thap u Nevermind Kya ha ka minit wa 34.

Ha ka 2^nd Division da pynman hapyrdi ka Sutnga Mission SSCC wa Musniang SC heiwa ka Musniang da jop ko da 3-1.

Ya ka Musniang da thap da u Mardi Rymbai ha ka minit wa 23 wa 69 wa u Fourki Rymbai ha ka minit wa 74 katwa ya ka Sutnga Mission da thap da u Interest Pajuh ha ka minit wa 32.

Related posts

Jop ka Amlarem SC ya ka Langsning FC ha ka yakhun Friendly Match

May 29, 2025

Rah ka Ummulong yei naam Champion ka District Cricket League ka West Jaiñtia

May 28, 2025

Yei naam Player of the Match ha ka 3rd Division da yoh da u Justin Niang na ka Lumshnong YWSC katwa ha ka 2nd Division da yoh da u Mardi Rymbai na Musniang SC.

Yei naam Player of the Tournament ka 3rd Division da yoh da u Coming Dkhar uwa yalehke ka Tuber Kmaishnong katwa ha ka 2nd Division da yoh u Heimonmi Dkhar na ka Musniang SC.

Yei naam Goalkeeper of the Tournament ha ka 3rd Division da yoh da u Wadphang Phawa na Dkhiah West SC katwa ha ka 2nd Division da yoh u Commander Bareh na ka Lad Rymbai Dongwah SC.

Yei naam Best Team ka 3rd Division da yoh da ka Khliehriat East YWSC katwa ha ka 2nd Division da yoh ka Musniang SC.

Yei naam Top Scorer ka 3rd Division da yoh u Gradely Mylliem na ka Ratacherra CSC uwa da thap 10 tylli ki kool katwa ha ka 2nd Division da yoh u Obadaia Bareh uwa da thap 6 tylli ki kool.

Ha kani ka sngi da wan pynhaap pyrda ya kini ki yalehke Final da u Rudion Roland Kyndait kam u kongsan wa u Dayapherbha Lamare kam u symbood kongsan ryngkat ki waheh chnong yong ki chnong waphær wa em hapoh ka District wa ki bru bna naam ka thaaiñ deilang kiwa kitkaam ki Club, ka Association wa ki dkhot waroh.