Jowai: Ka Mait Chaphrang Sport Club Mowtyrshiah da pynman biang ki ya ka lympung yalehbol wow sah kynmoo ya u MDC warim kawa da e pyrtuid kam ka 3rd Qually Suiam Memorial Trophy Tournament 2018 ha Madan Wahtiniang Mowtyrshiah.
Ya kani ka 3rd Qually Suiam memorial Trophy Tournament 2018 da wan pynhaap pyrda da u Eleazer C Dkhar uwa man kam u President yong ka UDP Mowkaiaw Circle.
Ha ka yalang wa pynlai da u Lam Tang uwa man leh u President yong kani ka Club, u Dkhar hei klam yong oo da yaroh u nyngkong dooh ya kani ka Club kawa da ye sakhiat u kynmoo ya u (T) Qually Suiam ywa jooh man kam u MDC ka thaiñ le sien wei da jooh man u leh kam u CEM hapoh JHADC.
U Dkhar da kyntu u leh ya waroh kiwa yalehke wow em ka mynsien wa miat khnang wa ka sap wa e u Blai ha ki ym sepai ko wei ka yalehke Sport katni man ko kawa pynyoh khih ya ki khynroo khyllood.
Ha ka yalehke Final, ka Dong Neinshnong SC da jop ko ya ka Pdienskur SC da 3-0.
Ha kani ka sngi da emlang u waheh chnong Mowtyrshiah u H. Dkhar, W. Sungoh MDC, Tbn T. Shadap, R. Shadap General Secretary yong ka Club wa kiwi kiwi.
Discussion about this post