Ka District Cricket League 2024 wa pynlai da ka West Jaiñtia Hills District Cricket Association ha Khliehtyrshi Mini Stadium da pteiñ ko ynne dei yalehke hapyrdi ka Efty United XI Mynso waka Moodymmai Cricket Club.
Yaka kylla-khlem da jop da ka Moodymmai heiwa da jied ko u Bat nyngkong wei da lai ko u kamai 92 Run na ki 23.3 Over deiwa dooh waroh ki Wicket deiwa lehbha u Ritchel Passah uwa yoh 25 Run na ki 49 bol, katwa neiliang ka Efty kiwa bol bha toh u Levester Phawa uwa yoh 3 Wicket na ka chi Over.
Ka Efty hawa beh yaka thong da ye ko u jop deiwa yoh 96 Run na ki 19.4 Over deiwa dooh 4 Wicket. Kiwa kamai boon toh u Riboklang Hynniewta uwa yoh 53 Run na ki 52 bol wa u Puraki Shadap uwa yoh 19 Run na ki 49 bol, katwa neiliang ka Moodymmai wa lehbha da ka bol toh u Bamanbha Shangpliang uwa yoh 2 Wicket na ki 7 Over wa u Mickey Marngar uwa yoh 2 Wicket na ki 5 Over.
Kamtæ ka Efty United XI Mynso da jop ko da 6 Wicket.
Ya i naam Man of the Match da yoh da u Riboklang Hynniewta yong ka Efty United XI Mynso.
Discussion about this post