Ka Efty United XI da jop ko da 149 Run ya ka Khliehtyrshi Sports Club ynne ka sngi ha ka Open to All Cricket Tournament 2023 wa pynlai da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla-khlem da jop da ka Efty United XI Mynso heiwa da jied ko u Bat nyngkong wei da ye ko u kamai 230 Run na waroh ki 35 Over deiwa dooh ki 6 Wicket deiwa kamai boon dooh u Sylvester Mylliempdah 138 Run na 107 bol deilang wa u Sanvert Kurkalang 23 Run na 32 bol katwa na kiwa kawang bol ka Khliehtyrshi kiwa da yoh Wicket toh u Conrad Sana 2 Wicket na ki 5 Over wa u Shaniah Ryngkhlem 2 Wicket na ki 6 Over.
Hawa kdong ya ka thong, ka Khliehtyrshi da ye ko u kamai du 81 Run na ki 19.4 Over deiwa dooh lut ki waroh ki Wicket, deiwa kamai boon u Conrad Sana 56 Run na 54 bol, katwa neiliang ka Efty won kiwa lehbha da ka bol toh u Sanvert Kurkalang 5 Wicket na ki 7 Over wa u Eleazer C Dkhar 2 Wicket na ki 5.4 Over wa u Kitboklang Lyngdoh 2 Wicket na ki 3 Over.
Yei naam Man of the Match da yoh da u Sylvester Mylliempdah yong ka Efty United XI Mynso.
