Jop ka Evergreen Mukhla ha ka 3rd Division, ka Sohmynting ha ka Super Division

Jowai: Ha ka yalehke 3^rd Division ka WJDSA wa pynman ynne ka sngi, ka Evergreen Mukhla da pynrem ko ya ka Chyrmang Nein da 3-1.

Ya ki kool ka Evergreen da thap u Demi Dkhar ha ka minit wa 42, u Sparly Dkhar ha ka minit wa 52 wa u Haunipaia Bang ha ka minit wa 58. Ya ka Chyrmang da thap kool u Khain Dkhar ha ka minit wa 67.

Ha ka Super Division won hapyrdi ka Sohmynting wa ka Nangbah Mulang, ka yalehke man ko kawa chongchit bha wei ki pidibah wa wan paitke leh man ki kiwa boon bha.

Ha ka minit wa 11 ka Nangbah da yoh ko u thap kool lyngba u Bantei Shylla tangwa ha ka minit wa bood ka Sohmynting da su ko ya kani ka kool lyngba u Rikal Pyrtuh.

Ka Sohmynting da yoh biang ko u thap ha chwa u kut ka kylla step ha ka minit wa 45+1 da ka kool u Chiruplang Suting.

Ha ka kylla miet won ka Nangbah da ye biang ko thap sa chi kool ha ka minit wa 52 lyngba u Pynhun Pyrtuh yow man ki kool 2-2.

Tangwa ha ka mint wa 73 u Rikal Pyrtuh ka Sohmynting da yoh biang u thap sa chi  kool wa pynjop ya ka Sohmynting da 3-2.

Ka Nangbah Mulang kattu da rem ko la 3 sien katwa ka Sohmynting da jop ko 4 sien.

Related posts

District Cricket League: Jop ka Goodwill Mupliang ya ka Tympang

February 24, 2026

Jop ka Ummulong ha ka yalehke wa sdang ka District Cricket League 2026 ka WJHDCA

February 23, 2026

Mynstep ka 21 tarik ha ka 3^rd Division, ka Nangbah Pohshnong u yachem ko waka Muphlang SC heipor 12 waje pyrdi sngi. Ha ka Super Division won ka Khimusniang SC u yachem ko waka Dulong SC.