Ka Friends United XI da jop ko da 1 Wicket ya ka Ummulong Sports Club ynne ka sngi ha ka Open to All Cricket Tournament 2023 wa da pynman da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla-khlem da jop da ka Ummulong Sports Club heiwa da jied ko u Bat nyngkong wei da ye ko u kamai 265 Run na waroh ki 35 Over deiwa dooh 7 Wicket deiwa kamai boon dooh u Rejoice Gassah 123 Run na 104 bol, u Heisniawlangki Lamare 44 Run na 76 bol, katwa neiliang kiwa kawang bol ka Friends United XI won kiwa da yoh Wickets toh u Pyrkhat Sari 3 Wicket na ki 7 Over wa u Pura Shadap 2 Wicket na 7 Over.
Hawa beh ya ka thong, ka Friends United XI da jop ko deiwa yoh 268 Run na 33.4 Over deiwa haap 9 Wicket deiwa lehbha u Kishan Lyngdoh 156 Run na 75 bol, katwa neiliang ka Ummulong Sports Club won kiwa yoh u pynhaap Wicket toh u Cameo Lamare 4 Wicket na ki 4 Over wa u Wellmanson 2 Wicket na 7 Over.
Yei naam Man of the Match da yoh da u Kishan Lyngdoh yong ka Friends United XI.
