Ka HUCC da jop ko ynne ha ka yakhun kam chibynta yong ka lympung Open to All T20 Cricket Tournament 2022 wa da pynlai daka All Jaiñtia Cricket Association (AJCA) ha Madan Jrisaleiñ, Jowai.
Ka HUCC da yachem ko waka Khimmusniang heipor 9:00 waje i step, heiwa ka HUCC da ye ko u pynrem ya ka Khimmusniang da 9 Wicket.
Ya ka kylla khlem da jop da ka HUCC wei da jied ko wow kawang bol nyngkong.
Ka Khimmusniang hawa tied nyngkong da ye ko u kamai 128 Run na ki 19.2 Over deiwa da dooh ko waroh ki Wicket. U Nibiangmon Sutnga da yoh u 52 Run na 32 bol katwa neiliang ka HUCC, u Yoomi Patwet da yoh u 4 Wicket na ki 3 Over.
Hawa kdong won ya ka thong, ka HUCC da ye ko u tied 132 Run naka 11.1 Over deiwa dooh ko chi Wicket donhi. U Yoomi Patwet da ye u kamai 64 Run naka 27 bol, heiwa neiliang ka Khimmusniang u R. Syih da yoh u chi Wicket naki 2 Over.
Ya i naam Man of the Match da yoh da u Yoomi Patwet.
