Jop ka Iawmulang Nartiang haka 2nd Division ka WJDSA

Jowai: Haka 2^nd Division ka WJDSA kawa tip leh kam ka 3^rd Debo Shullai Memorial Trophy, ynne ka sngi da pynman yaka yalehke hapyrdi ka Iawmulong Nartiang waka Umshangiar. Ha kani ka yalehke, ka Iawmulong Nartiang da jop ko yaka Umshangiar da 9-2. Ya ki kool ka Nartiang da thap da u Mekerlangki Pyrtuh haka minit wa 8, u Heimonmi Phawa haka minit wa 15, 50, 62 wa 68, u Living Suja haka minit wa 51, 56, 58 wa 64. Yaka Umshangiar da thap kool da u Lakhon Bareh haka mint wa 1 wa Bikil Khai haka minit wa 70. Haka Super Division won kawa tip leh kam ka U Kiang Nangbah Memorial Trophy, da pynman yaka yalehke hapyrdi ka Lumiawmuchai Shangpung waka Moosalyngkat kawa da kut 2-2. Yaka Shangpung da thap kool da u Raplangki Chullet haka minit wa 22 wa u Bantei Iakai haka minit wa 44. Yaka Moosalyngkat da thap kool da u Edius Laloo haka minit wa 33 wa u Buromlangki Salahe haka minit wa 53.