Jop ka India ya ka Maldives ha Shillong

Kiwa yalehbol ka India da jop ki ya ka Maldives da 3-0 ha ka FIFA International Friendly kawa da pynman ha JN Stadium, Shillong ynne i miet kawa man leh ka sien wa nyngkong wa da pynemkaam ya kani ka madan wow pynman ya ka International Match. 

U Sunil Chhetri da yoh u wow thap deiwa uiñ biang cha ka yalehke hadien wa dadep chong ngiah u kawa man leh ka kool wa 95 yong oo katwa ya u Manolo Marquez kam u Coach da man ko i jop wa nyngkong ya oo deiwa yoh ka India yei jop wa nyngkong hadien 489 sngi.

Kiwi de kiwa yoh u thap kool toh u Rahul Bheke wa u Liston Colaco.

Kani man ko leh kam chibynta wow pynkhreh ya ka yalehke ka India ya ka 2027 AFC Asian Cup Qualifier pyrchah ya ka Bangladesh ha ka 25 tarik uni u bnai ha kani ka jooh ka madan. Katwa ka Maldives won da pynemkaam ko ya kani ka yalehke neibynta ka Qualifier yong ki pyrchah ya ka Philippines kawa daw pynman ha ka 25 tarik hi. 

Related posts

Thadlaskein Football League: Psiah Semi sa ka Nongkhroh Krem Kum wa ka Niriang

March 18, 2025

Thadlaskein Football League: Psiah Semi ka Heiboriong I FC wa ka Nongkhroh Rim

March 17, 2025

Kani toh ka sien wa 19 wa da yachem kini ki ar liang heiwa ka India da jop ko la 13 sien katwa ka Maldives da jop ko la le sien katwa kiwi ki le tylli ki yalehke da kut ki khlem em wa jop wei i khadooh wa da yachem ki toh ha u 2021 heiwa ka India da jop ko da 3-1 ha ka SAFF Championship. 

Ynne ka India da thap ko lyngba u Bheke ha ka minit wa 34, u Liston ha ka minit wa 66 katwa u Chetri won ha ka minit wa 77.