Jowai: Ka Iooksi Youth Welfare Sport Club haka 1 tarik uni u bnai da pynhap pyrda ko ya ka lympung yalehbol da ka yalehke Final ha Madan Phutbol Mooblang, Iooksi.
Ha kani ka sangi da wan wow pynhap pyrda da u Holando Lamin EM JHADC, MDC ka War Central Constituency kam u kongsan wa u Nehemaya Tyngkan kam u symbood kongsan. Ha kani ka sngi da emlang leh ki waheh wa sian ka chnong Iooksi wa kiwa bru wa pawkhmat na katai ka thaaiñ.
Ha kani ka sngi ka yakhun wow yaknieh yaka naam Champion da pynman hapyrdi ka Jofika FC (Iooksi) pyrchah yaka Iatreilang FC (Raliang).
Ka yakhun hapyrdi kini ki arliang man ko kawa yoosuk wa kawa chongchit heiwa pyn arliang da yaleh ki katwa ye yow yoh u thap kool nyngkong heiwa kiwa yalehke wa lai chakhmat ka Iatreilang FC da yaleh chitom ki wow yoh u thap kool nyngkong hapoh 18 minit. Ha chwa wow kut ka kylla step ka Jofika FC da yoh ki wow su kylliang kamtæ da kut ka kylla step da 1-1.
Ha ka kylla miet neiliang kiwa yalehke ka Jofika FC da pynyoo ki yei sap yong ki deiwa thap sa ar tylli ki kool ka minit wa 50 wa ha ka minit 62.
Kamtæ ka Jofika FC da jop ko yaka Iatreilang FC da 3-1.
Discussion about this post