Ka 17th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) dapoi ko cha ka yalehke wa 18 ynne ka sngi.
Ha ka yalehke wa da pynman, ka Khimusniang da jop ko ya ka Demthring da 2-1.
Ka kylla step ka yalehke da kut ko khlem em wa yoh u pynkhih ya ka jaar wei ha ka kylla miet ka Demthring da yoh ko wow thap nyngkong ha ka minit wa 78 lyngba u Mebakynsai Pale.
Chwa wow kut ka yalehke, ka Khimusniang da yoh ko wow su kylliang lyngba u Dashngain Sukhlain ha ka minit wa 87 wei da pynjop da u Alwin Dkhar uwa da thap ha ka minit wa 90+4.
Ka Demthring kattu da jop ko le sien, rem chisien wei da ya Drawn chisien katwa ka Khimusniang da jop ko la san sien.
Ka yalehke mynstep u pynman hapyrdi ka Chutwakhu wa ka Mooknor Thadmuthlong heipor 1:00 waje i sngi.
Discussion about this post