Jop ka Khliehrangnah yei naam Best Village ha ka 5th National Water Awards

Ka chnong Khliehrangnah, West Jaiñtia Hills da yoh ko yei kyrdan wa le (Third Rank) ha ka Best Village Panchayat Category ka 5^th National Water Awards.

Ya kani ka khusnaam da saam da u C.R. Patil, Union Minister ka Jal Shakti deiwa sakhilang ka Droupadi Murmu, President ka ri India ha ka yalang wa da pynman ha Vigyan Bhawan, New Delhi kawa pynman da ka Ministry of Jal Shakti, Department of Water Resources, River Development and Ganga Rejuvenation neibynta wow tipmit ya kiwa boon ki chnong kiwa da lehbha wow pynneh pynsah wei wow sumaar ya ki um ki wah deilang ki tyllong um.

Ya kini ki Award da e cha 38 tylli ki chnong wa ki seiñ ha ki 9 tylli ki kyrdan wa kynthup nadooh ka Best State, Best District, Best Village Panchayat, Best Urban Local Body, Best Water User Association wa Best Civil Society.

Neiliang u Montri Rangbah ka jylla, u Conrad K Sangma da e khublei u ya ka chnong Khliehrangnah, yeiwa yoh ko ya kani ka khusnaam Third Rank ka National Water Awards hapoh ka kyrdan Best Village Panchayat.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Da ong u leh wa yeini i naam da ye wow yoh deiwa kreh chitom ka chnong wow pynneh pynsah ya ka um wei deiwa kreh chitom ka sorkar wow pyntikna wa da pynekaam hok yeiwa da kyrkhu ka bei rymaw deiwa em i kitkhlieh. Da yooluti u leh wa ini i ya krehlang daw pteiñ i wow pynchlur ya kini ki kaam wa bha.

Ya kani ka Award da lai wow pdiang da u Lamluti Langstang, Waheh Chnong ka Khliehrangnah deilang wa u Gunanka DB, IFS, Executive Director, MBMA.

Ka Khliehrangnah toh kawa man kam ka Project Village hapoh ka Community-Led Landscape Management Project (CLLMP), wa kyrchaan poisa da ka World Bank wei da pynkrehkaam da ka Meghalaya Basin Management Agency (MBMA). Wei ini da pynyoo ko wa ka ki kaam wa pynkrehkaam da ka CLLMP deiwa yahkhmat kiwa chong chnong wow pait ya ki um ki wah yow pynchlur leh yei pynneh pynsah ya ka um ha Meghalaya waroh kawi da man ki kiwa jop.

Kani ka National Water Awards toh kawa pait yei kaam wa bha wa leh da ki bru samen kamjooh ki seiñ wa ki chnong ha waroh kawi ka ri kam chibynta ka thong ka Jal Samridh Bharat.