Jowai: Ka Chief Minister U-12 Football Tournament 2018 ha ka District Level wa pynman da ka yung krehkaam District Sports Office, Khliehriat da poi ko chawa kut ynne ha Dkhiah Playground.
Ya ka yakhun Final yong ki kynthai da pynman hapyrdi ka Khliehriat Higher Secondary School pyrchah ya ka Saipung Sports Club heiwa ka Khliehriat HSS da jop ko da 3 – 0.
Ha ka Final yong ki chynrang nawon ka Arkynhun Secondary School, Mooriap da jop ko ya ka Hadilis Upper Primary School, Rymbai da 1-0.
Ya kani ka sngi pynkut da wan pynhaap pyrda da u R. Susngi, District Public Relations Officer, East Jaiñtia Hills District, Khliehriat kam u kongsan.
Kam u kongsan da yaroh u ya kiwa pynman ya kani ka lympung kawa da man kawa jop deiwa pynchlur ya kiwa yachimbynta wow yaleh ki na mynsien lada ha kawon kawon ka yakhun.
Chwa wow kut, neiling u K. Passah, District Sports Officer da e u ya ki kyntien khublei.
Discussion about this post