Ka Elaka Lakadong Sports Association (ELSA) da pteiñ biang ko wow pynman yaka lympung yalehbol kawa tip kam ka “3rd ELaka Lakadong Knockout Football Tournament 2023-24” heiwa da pynman ya ar tylli ki yalehke ynne ka sngi.
Ha ka yalehke Lakadong Umlatdoh Zone kawa man heipor 12:00 i sngi, ka Lad Lakadong SC da jop ko pyrchah yaka Lama YSC da 2-1 heiwa neiliang ka Lad Lakadong da thap kool lyngba u Micky Lyngdoh wa u Spareki Biam katwa ya ka chi kool yong ka Lama da thap da u Darling Son Suchen.
Ha ka yalehke kawa ar won heipor 2:00 waje hapyrdi ka Lakadong Umlatdoh SCSC pyrchah yaka Lakadong Ummat SCC, ka Lakadong Ummat SCC da jop ko da 3-1 heiwa u Rimiki Shadong da yoh u wow thap ar kool wa chi kool won na u Etyfirst Shadong lyngba ka Penalty katwa yaka kool ka Lakadong Umlatdoh da thap u Batskhem Amkhloo lyngba ka Penalty.
Kamtæ ka yaleh yong kani ka lympung daw pteiñ biang ko mynstep haka Kwator Zone heiwa ka yalehke kawa nyngkong toh hapyrdi ka Pdeinwahkhynriam FT pyrchah ya ka Natbor FT heipor 12:00 waje i sngi katwa ka yalehke kawa ar toh heipor 2:00 waje hapyrdi ka Kwator FT pyrchah yaka Borghat FT ha Madan Kwator.
Discussion about this post