Jowai: Ka 9th Chatister Kharkongor Memorial Trophy 1st Division Football Tournament 2019 wa pynman daka WJDSA da poi ko cha wakut da ka yakhun Final hapyrdi ka Ladthadlaboh waka Sohmynting.
Ya kani ka Final da jop da ka Ladthadlaboh da 1-0 da ka kool wa thap u Simion Suchiang haka minit wa 64.
Ha kani ka sngi yei naam Top Scorer da yoh u Simion Suchiang uwa thap 11 kool uwa yalehke ka Ladthadlaboh, yei naam Best Goalkeeper da yoh u Loving Kindness Kyndait uwa yalehke ka Sohmynting, yei naam Man Of The Match da yoh u Raymond Lyngdoh uwa yalehke ka Ladthadlaboh, katwa yei naam Player of the Tournament da yoh u Heiplanmi Kassar uwa yalehke ka Sohmynting.
Ya kani ka yakhun Final da wan sakhi da u DC ka WJH u Garod LSN Dykes kam u kongsan wa u Khroobok Passah, DSO ka West Jaiñtia Hill kam u symbood kongsan wa kiwi kiwi.
Mynstep ka 5 tarik daw pteiñ yaki yalehke ka Super Division deiwa pynman yaka Eliminator Round hapyrdi ka Lumiawmuchai Shangpung SC pyrchah yaka Khimusniang SC heipor 2 waje i sngi.
Discussion about this post