Jowai: Ka yalehke Semi Final wa nyngkong (First Leg) ka Meghalaya State League (MSL) 2019 da pynman ha Kiang Nangbah Stadium, Jowai hapyrdi ka Shillong Lajong waka Druma Sandruma (Tura).
Ka Lajong ym em pynlut por ko wei pyn naka minit wa nyngkong da thap kool ko lyngba u Phrangki Buam uwa da yoh leh yaka Hat-trick deiwa thap sa ar kool haka kylla miet haka minit wa 84 wa 89. U Noarem Mahesh Singh leh da yoh u yaka Hat-trick wei da thap u yaka kool wa ar waka wa le ka Lajong haka minit wa 3 wa 26 wei da ban u sa ar kool haka kylla miet haka minit wa 66 wa 70.
Ka Druma da yoh ko wow su chi kool haka kylla step haka minit wa 23 lyngba u Sengsu Momin yow pynkut yaka kylla step da 3-1.
Haka kylla miet da thap kool yaka Lajong sa u Parvaj Bhuiya haka minit wa 72 wa 78 uwa yoh leh yaka Red Card wa u Donboklang Lyngdoh haka minit wa 85.
Kamtæ ka Shillong Lajong da jop ko yaka Druma Sandruma da 10-1 iwa da e yaka ka laad wa bha yow yoh ko u psiah chaka Final.
Yei naam Man of the Match da yoh u Noarem Mahesh Singh.
Ka yalehke Semi Final wa ar (Second Leg) hapyrdi kini ki ar liang u pynman haka 17 tarik ha Resubelpara heipor 12:30 pyrdi sngi.
Ka Semi Final hapyrpdi ka Sutnga SSCC waka Rangdajied FC kawa toh u pynman ynne ha Khliehriat da hap pyndam ka neidaw wym lait ka Rangdajied wow lai luti, wei daw pynman mynstep ka 14 tarik heipor 12:30 pyrdi sngi.
Shillong Lajong 
Druma Sandruma
Discussion about this post