Jowai : Napyrdi ki 16 tylli ki dhab (team) kiwa yachim bynta haka Football Tournament kawa da pynlai da ka JSU Mynsoo Unit, ki ar tylli kiwa da poi cha ka final toh ka Lyngdoh SC pyrchah ya ka Lum Ritab SC.
I yaleh hapyrdi ki ar dhab da man i iwa khor bha ha pyn ar kylla ka yaleh heiwa ki paidbah kiwa da kyrchaan ya jar jiar ka dhab kiwa wan sakhi yeini da kbai e mynsien ki ya kiwa yalehke u ye ki u pynkhih ya ka jaar tangwa man ka yaleh wa yathain bha.
Ha kani ka yakhun final ka Lyngdoh SC da yoh wow rah yei naam jop haka phainal deiwa thap ko 5 – 4 goal dei chut tie-breaker.
Ka Lyngdoh SC kawa yoh yei naam jop da yoh ko leh u rah ya ka song poisa wa T. 10,000 ryngkat wa ka trophy, katwa ka Lum Ritab da rah ko ya ka song poisa wa T. 6,000.
Ha kani ka sngi, chwa wow sdang da em ka yalang tbian heiwa da pyllai da u President JSU Mynso Unit, u khynroo Lawyerson War, heiwa u ma Lakhon Biam da man u kam u kongsan hei emlang u President ka JSU u ma Rikut Parein, ka kong Resipian Syntem wa kiwi kiwi.
Discussion about this post