Ka Joybell Suiam 2nd Division Memorial Football Tournament ka TSA da pteiñ ka ynne deiwa pynman ar tylli ki yalehke heiwa ka yalehke wa nyngkong da kut ko da 1-1 hapyrdi ka Iawpynsin Wahiajer wa ka Maskut SC.
Ya ka Iawpynsin da thap da u Marle Muruh ha ka minit wa 64 katwa ya ka Maskut da thap da u Nangaibor Ryngkhkem ha ka minit wa 35.
Ha ka yalehke wa ar, ka Laru da jop ko ya ka Nongkhroh Sohbar da 4-0 lyngba ki kool wa thap u Pyntgen Phawa ha ka minit wa 17, u Pynskhembor Lamare ha ka minit wa 25, u Mondra Mynsong ha ka minit wa 46 wa u George Dkhar ha ka minit wa 60.
Ka yalehke wa bood da pynman neibynta ka Kesilroy Pala Memorial Super Division League da ka yalehke hapyrdi ka Nongkhroh Rim wa Nongkhroh Krem Kum heiwa ka Nongkhroh Rim da jop ko da 3-0 da ki kool wa thap u Odren Suting (Own Goal) ha ka minit wa 22 wa u Pynbiang Nongrum ha ka minit wa 55 wa 75.
Ha ka 2nd Division mynstep daw pynman ar tylli ki yaleh wa daw sdang da ka Maia SC wa ka Tympang SC heipor 10:00 waje i step wei daw pynbood da ka Pdienlum SC wa ka Myngkrem SC heipor 12:00 waje pyrdi sngi.
Ha ka Super League won daw yachem ka Wahiajer SC wa Lumphyrnai Sohphoh heipor 3:00 waje i sngi.
Discussion about this post