Jop ka Lawmali SC ha ka Assam Rifles Invitational Football Cup 2020

Shillong: Ka yakhun Final yong ka lympung ‘Assam Rifles Invitational Football Cup 2020’ wa pynman ha HQ Assam Rifles, Laitkor, Shillong ynne ka 13 Tarik, u montri rangbah ka jylla, u Conrad K Sangma da man u kam u kongsan.

Ha kani ka sngi ya u Conrad da synraan da u MS Rao, Chief Secretary, Government of Meghalaya hei emlang u Director General Assam Rifles, Lieutenant General Sukhdeep Sangwan.

U Conrad hawa e i klam da yaroh u ya ka Assam Rifles wa da pynman ko ya kani ka yakob man la u snem wow chem ya kiwa emsap ha kani ka yalehke iwa daw yarap leh wow wanrah ya ki bru chirup donhi.

Da ong u leh wa ka sorkar jylla yaleh ko wow pynku ya ki yalehke hapoh ka jylla liang wanang.

Neiliang u Director General Assam Rifles da e khublei u ya u Conrad uwa da pynchlur wei da kreh u wow pynku ya kani ka jait yalehke hapoh ka jylla deiwa e khublei leh ya kiwa chimbynta wa ki Manager.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

U DG da pyntip u leh wa ka Assam Rifles da man ko ka skur wa ar wow man noh ka ARPS Shillong kam ka Sports School dei yarap poisa hapoh ka ‘Khelo India Initiative’ ka wow man ryngkat wa ka Sports School Rai, Sonepat (Haryana).

Ya ka yakhun Final da pynman hapyrdi ka ‘Lawmali SC’ wa ka ‘Umphrup SC’ heiwa ka ‘Lawmali SC’ da jop ko da 5-0 deiwa yoh ya ka song poisa wa T. 1,00,000 katwa kawa chah rem won T. 50,000.