Jowai: U montri ka tnat Revenue u Kyrmen Shylla ynne ka sngi da wan u wow pynhap pyrda yaka lympung yalehke bol wa tip kam ka “4th Invitation Knock Out Football Tournament” wa pynman da ka Wahiajer Sports Club (WSC) ha madan Mini Stadium kawa em ha Wahiajer, West Jaiñtia Hills District.
Ha ka yakhun Final hapyrdi ka Lewa FC pyrchah yaka MLP, ka Lewa FC ka da pynrem ko yaka MLP da 3-1.
Ka MLP da yoh nyngkong ko wow pynkhih yaka jar ha ka minit kaba 31 lyngba u Vikram Chettri wei kani ka kool da neh ko hadooh wa kut ka kylla step.
Ha ka kylla miet lyngba i yaleh chitom kiwa yalehke ka Lewa FC ka da ye ko wow thap syndon le tylli ki kaol lyngba u Kitboklang Pale uwa thap arsien ha ka minit wa 47 wa 71 wa ka chi kool na u B. Warlarpih haka minit kawa 55.
Ka Lewa FC da ini i jop da yoh ko leh ya ka song poisa wa T. 2 lak deilang waka trophy katwa ka MLP da yoh ki T. 1 lak waka trophy.
Ya ki khusnam da saam da u kongsan u Kyrmen Shylla wei da emlang leh u montri ka tnat C&RD u Sñiawbhalang Dhar, u Nujorki Sungoh MLA ka Mowkaiaw, u Wailadmiki Shylla MLA ka Jowai wei da wan sakhi lang da ki MDC wa ki paidbah wa boon.
Discussion about this post