Ka Lion Sports & Youth Affairs da jop ko da 16 Run ya ka Khimusniang Sports Club ynne ka sngi ha ka Open to All Cricket Tournament 2023 wa da pyman da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla-khlem da jop daka Lion heiwa da jied ko u Bat nyngkong wei da kamai ko 213 Run na aroh ki 35 Over heiwa da dooh ki 6 Wicket wei da kamai boon da u Nik Dan 46 Run na 44 bol, u Kitboklang Rangad 42 Run na 41 bol wa u Firstbornson Dkhar 43 Run na 45 bol heiwa neiliang ka Khimusniang Sports Club won kiwa da yoh Wicket toh u Chwamiki Ryngkhlem 2 Wicket na ki 7 Over wa u Richard Patwet 2 Wicket na 7 Over.
Ka Khimmusniang hawa beh ya ka thong da ye ko wow poi 197 Run na ki waroh ki 35 Over deiwa dooh 9 Wicket deiwa pyntam u Chwamiki Ryngkhlem 85 Run na 68 bol wa u Richard Patwet 27 Run na 27 bol katwa neiliang ka Lion won kiwa lehbha da ka bol toh u Peterson Lamare 2 Wicket na ki 7 Over wa u Namewanki Pakynteiñ 2 Wicket na ki 7 Over.
Yei naam Man of the Match da yoh da u Firstbornson Dkhar yong ka Lion Sports & Youth Affairs.
