Jop ka Lumphyrnai Sohphoh ha ka Super Division ka TSA

Ki yalehke ka Thadlaskeiñ Sport Association (TSA) da pteiñ ki ynne da ar tylli ki yalehke 2^nd Division wa kawi ka Super Division.

Ka yalehke nyngkong ka 2^nd Division da kut ko da 1-1 hapyrdi ka Iongshiwiat wa ka Mukhla Wahshnong. Ya ka Iongshiwiat da thap kool da u Elias Lyngdoh ha ka minit wa 52 katwa ya ka Mukhla Wahshnong da thap da u Heibor Sari ha ka minit wa 70.

Ka yalehke wa ar da kut ko da 1-1 hapyrdi ka Iawpynsin Wahiajer wa ka Namdong-A. Ya ka Iawpynsin Wahiajer da thap da u Markatjuh Dkhar ha ka minit wa 10 katwa ya ka Namdong-A da thap da u Kriskot Mukhim ha ka minit wa 60.

Ha ka Super Division won, ka Lumphyrnai Sohphoh da jop ko ya ka Nongkhroh Rim da 2-1. Ya ka Lumphyrnai Sohphoh da thap da u Sumar Suting ha ka minit wa 20 wa u Habandajop Khynriam ha ka minit wa 50 katwa ya ka Nongkhroh Rim da thap da u Robito Nongspung ha ka minit wa 19.

Ki yalehke mynstep:

2nd Division

Tympang SC Vrs Myngkrem SC (10AM)