Ka lympung yalehbol wa tip kam ka 6- A-Side Invitation Football Tournament 2025, wa pynman da ka NPP Primary Unit, Mission Compound, Jowai ha madan biarskur dapoi ko cha ka yakhun Final hei miet ka 25 tarik hapyrdi ka Lumsuwe Dulong pyrchah ya ka Chilliangraij.
Ha kani ka yakhun Final ka Lumsuwe Dulong da yoh rah ko yei naam jop deiwa pynrem ya ka Chilliangraij da 3-2.
Ka liang wa jop najrong ka Trophy da yoh ko leh ya ka song poisa wa Rs. 30,000 katwa kawa rem won Rs. 20,000 deilang ka Trophy.
Da saam leh ya ka khusnaam Player of the Tournament wa da yoh da u Da-O-Chwa Shylla katwa yei naam Beast Goalkeeper da yoh u Biangheimon Kyndiah kiwa yalehke ka Lumsuwe Dulong.
Chwa ini ha ka yalang tbian, u Wailadmiki Shylla, Montri ka chnat Sports and Youth Affairs hawa wan sakhi kam u kongsan da ong u kam u Sports Minister neini chakhmat u nang kyntu kynrong u ya ki jait lehke Sport waphær waphær wa kynthup leh neibynta ki kynthai yow yoh ki u pynyoo yei sap i phong yong ki.
Pyntip haroh u wa ha ki bnai wow wan u sdang noh wow chna ya ki thaw chong paitke ha Kiang Nangbah Stadium khnang wa ki paidbah wa wan paitke u suk ki wow chong na soodong ka madan.
Heijooh i por ong u neini chakhmat u pait chooh u leh kiyi wa dang emkaam u pynbha pynmiat hapoh ka Constituency, ka Ri-loom Jaiñtia wa ka jylla waroh kawi.
Discussion about this post