Ka Open to All 18 Above Football League Knockout Tournament wa pynman da ka West Jaiñtia District Sports Association (WJDSA) da pteiñ ya ka ynne da ka yakhun Quarter Final wa ar hapyrdi ka Luti Tuber Ialong waka Kseh Sylle Ialong.
Ka yaleh da man ko kawa yatoh bor bha heiwa hadooh wa kut i por da kut da 2-2 kamtæ da e por chooh chooh namo ka Extra Time heiwa heini da thap mar chi kool kamtæ da hap pynman da ka yachut Tie-breaker heiwa ka Luti Tuber Ialong da jop ko ya ka Kseh Sylle Ialong da 4-3.
Kiwa thap kool ka Luti Tuber Ialong toh u Ribait Lhuid (11 min), u Nidaia Dhar (48 min) wa u Baiahluti Dhar (92 min).
Ya ka Kseh Sylle Ialong da thap kool da u Nangtei Mulieh (31 wa 65 min) wa u Rima Lyngdoh (98 min).
Ka Quarter Final wa bood u pynman mynstep ka 25 tarik hapyrdi ka Pasyih Cultural waka Caroline.
