Jop ka Madan Thadmuthlong, ka Madankynsaw waka Risingsun haka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Madan Thadmuthlong da jop ko ya ka Pammanik da 5-2. Ya ka Madan Thadmuthlong da thap kool da u Manhok Suchiang haka minit wa 13, u Pyniaidmiki Tang haka minit wa 31 wa 51 wa u Precious Tang haka minit wa 67 wa 80+2. Katwa ya ka Pamanik da thap kool da u Jamris Talang haka minit wa 49 wa u Iowsar Suchiang haka minit wa 76.

Ha ka yalehke wa ar, ka Madankynsaw Mookyndeng da jop ko ya ka Catholic Youth Mihmyntdu da 6-0 da ki kool wa thap da u Dangri Phawa haka minit wa 33, 69 wa 72, u Heiwamut Lamare haka minit wa 54 wa u Carnelius Suchiang haka minit wa 56 wa 66.

Related posts

Sa ha ka Vijay Hazare Trophy yoh spah Run u Kishan Lyngdoh yow pynjop ya ka Meghalaya

December 24, 2025

Pynbna ka Assam Warriors Academy yei pyrtuid kiwa chah jied na ka Trial wa pynman ha East Jaiñtia Hills

December 24, 2025

Ha ka yalehke wa khaddooh, ka Risingsun Mukhla da jop ko ya ka Mookaswan Dongneiñ da 2-0 lyngba ki kool wa thap da u Kestar Pyrtuh haka minit wa 41 wa u Pynhunmiki Skhemiew haka minit wa 54.

Mynstep ka 29 tarik, daw pynman biang le tylli ki yalehke kawa daw sdang daka Lumkhangdong Kyndongtuber waka Saindur Mihmyntdu heipor 11:00 waje i step, ka Iong I Dahi FC waka Myrjai heipor 1:00 waje i sngi iwa daw pynkut daka Khliehmyntdu Neinchnong waka Maitshaphrang Mootyrshiah heipor 3:00 waje noh chariñ ka sngi.