Jop ka Man-iwa Pyntngen Sana yei yakob chaad ka JWAM 

Ka Jaiñtia Women Awakening Movement (JWAM) da pynman ko yaka yakob chaad namo ka ka Dancing Competition kawa chi sngi ynnin ka sngi ha District Library Auditorium, Mynthong, Jowai.

Ha kani ka sngi u Niman N. Shadap, Director ka Khasi Indigenous Foundation da man u kam u kongsan wei yaka yalang da pynlai da u Chandame Sungoh uwa man uwa e buit ka seiñ.

Haka yalang da yoh i klam tbian na ka Ribiangki Siangshai wa u B. Samaiang, Chairman ka Jaiñtia Careers Coaching Center. 

Kiwa klam da yaroh ki yaka seiñ wa da pynman ko ya kani ka yakob deiwa kyntu ya ki khynnah ka ri Jaiñtia kiwa em sap ha i chaad wow kreh chitom ki khnang wow ye ki u ku chaphrang.

Related posts

Saam ka Dorbar Chnong Caroline Colony ya ka song poisa cha kiwa jop ya ka Lucky Draw

January 19, 2026

Khut ka Police Public Secondary School Jowai ya kiwa kwah wow thied ya ki Stall ka Fete

January 19, 2026

Da kyntu leh yaka sorkar wow booh ya ki thaw sikai chaad wow pynpliah ki khynnah ya i sap yong ki. 

Kiwa chimbynta kamjooh kiwa wan paitke ym emkaam ki wow su yaka bai psiah wei kiwa chimbynta waroh da em ki 20 ngut.

Ha ka yakob ka Man-iwa Pyntngen Sana da jop ko wei da yoh ko yaka song poisa wa Rs. 10,000 waka Certificate, ha i kyrdan wa ar da yoh da ka Dariïung Dkhar kawa da yoh Rs. 7,000, hei wa le da yoh u Riata M Langdoh uwa da yoh Rs. 5,000 katwa ki soo tylli ki Consolations Prize da yoh da ka Nakita Shylla, ka Ranika Dkhar, ka Hanlada waka Jazzmine Langdoh kiwa da yoh mar Rs. 2,000 wa ki Certificate.

Ya ki Prize da saam da ka President ka seiñ ka R. Shylla, ka N. Sana wa u J. Phawa u President ka AHPUF.