Shillong: Ki kynthai ka Meghalaya kiwa yaleh Cricket ynne ka sngi da jop ki ya ka yalehke wa nyngkong yong ki ha ka Women’s Cricket U-19 One Day League da 8 Wicket pyrchah ya ka Mizoram wa pynman ha Dehradun.
Ka Meghalaya da jop ko ya ka kylla khlem wei da jied ki wow phah Bat nyngkong ya ka Mizoram wei da ye ki u leh bha deiwa pynhaap lut ya ki Wicket ka Mizoram deiwa ye ki u kamai du 95 Run na ki 33.2 Over.
Kawa kawang bol ka Meghalaya ka Deiphibapynshngain L Mawnai da yoh ko 3/7 na ki 6 Over, katwa ka Wahlang da yoh ko 2/10, ka Rubi Chetri 2/24 waka Thymmei Lyngdoh kawa da yoh 1/17.
Ka Mawnai waka Captain ka Meghalaya ka Hajong kiwa sdang wow Bat da kamai lang ki 35 Run ya ka Wicket wa nyngkong chwa wow haap ka Mawnai kawa kamai 7 Run.
Ka Hajong samen da kamai ko 28 Run chwa wow chah Run Out ko.
Hadien ini da wan ka Chetri kawa kamai 22 Run waka Suriti 9 Run kiwa neh hadooh wa kut yow pynjop ya ka Meghalaya deiwa yoh 96/2 na ki 34.5 Over.
Ka Meghalaya mynstep daw yachem ko waka Nagaland haka jooh ka thaw wei ka Nagaland ynnin ka sngi da jop ko ya ka Arunachal Pradesh da 10 Run.
Discussion about this post