Ka Nongjri Presbyterian Secondary School kawa mihkhmat ya ka Meghalaya, ynne da yachem ko waka Major Dhyanchand Sports College, Uttar Pradesh ha ka yakhun Final ka Subroto Cup 2024 Sub-Junior Boys (U15).
Ka Nongiri Presbyterian SS da psiah Final ko deiwa pynrem ya ka Bangladesh Krira Shikkha Protisthan da 2-1 katwa ka Major Dhyanchand Sports College, Uttar Pradesh won da jop ko da 3-0 ya ka St. Stephen’s School, Chandigarh.
Ha ka Final wa da pynman ynne ha ASC Centre, Bengaluru, ka Meghalaya da jop ko da 3-0.
Ka Meghalaya da thap ko hapoh chi minit ka yalehke lyngba u Posperwell Rynthong kawa da neh hadooh wa kut ka kylla step.
Ha ka kylla miet ha ka minit wa 34 ka Meghalaya da yoh ko wow thap biang sa chi kool kawa thap da u Prosperwell hi uwa da yang ya ka Free Kick hajan uwa yang kool u wym ye u ksoh ya ka bol deiwa skem wei mar ya lait ko na kti u, da yoh u wow thap suk.
Ha ka minit wa 48 da pyntikna yei jop da ka kool lyngba u Namebanlam.
Ka Nongjri Presbyterian Secondary School da ini i jop da yoh ko leh ya ka song poisa kawa Rs. 4 lak.
Discussion about this post