Shillong: Ki ar tylli ki kool na u Donlad Diengdoh waka chi kool na u Brolington Warlarpih da pynjop ki ya ka Meghalaya da 3-0 ya ka Tripura ha ka yalehke wa nyngkong ka Group A haka Hero Santosh Trophy North East Zone Qualifiers wa pynman ha Aizawl, Mizoram ynne ka sngi.
U Diengdoh da thap u ya ka kool wa nyngkong ha ka minit wa 11 katwa u Captain ka Meghalaya u Warlarpih da thap u ya ka kool wa ar ha ka minit wa 42 chwa wow kut ka kylla step.
Ha ka kylla miet u Diengdoh da thap u ya ka kool wa ar ha ka minit wa 53.
Ka Tripura kattu u yachem ko waka Mizoram ha ka 13 tarik katwa ka Meghalaya daw yachem ko waka Mizoram haka 15 tarik kawa ye u man ka yalehke wow jied kawon ka liang wow lai cha khmat.
Kiwa sdang yalehke ya ka Meghalaya toh u: Brolington Warlarpih (C), Kenio Lyngkhoi (GK), Donlad Diengdoh, Ebormi Buam, Kynsaibor Lhuid, Samuel Shadap, Ronald Lyngdoh Nonglait, Banpynkhrawnam Nongkhlaw, Arnesius Marwein, Raikutshisha Buam wa u Mediphrangki Pohlong.
Discussion about this post