Shillong: Ynne ka sngi, ka Meghalaya da jop yaka yalehke yong ka haka U-16 Vijay Merchant Trophy pyrchah yaka Arunachal Pradesh da 65 Run kawa pynman ha Tezpur, Assam.
Yaka Meghalaya da phah Bat nyngkong yaka hadien waka Arunachal da jop ko yaka kylla khlem. Ka Meghalaya da haap lut ki Wicket yong ka hadien wa kamai ko 138 Run na ki 64.2 Over, heiwa u Ayushman Das da kamai boon dooh u da 33 Run katwa u Raghav Magotra da kamai u 27 Run.
Ka Arunachal da haap lut ki Wicket yong ka deiwa kamai ko du 65 na ki 28.5 Overs haka First Innings. Kiwa kawang bol ka Meghalaya kiwa da leh bha toh u Bharat Gurung 4/9, u Magotra 4/11 wa u Nirdesh Baisoya 2/29.
Ka Meghalaya haka Second Innings yong ka ym em leh bha ko deiwa kamai ko du 85 Run na ki 30.2 Over, heiwa u Mrityunjay Bharali da kami boon dooh u da 30 katwa u Avinash Rai toh uwa ar wa ye u kamai palat 10 Run deiwa yoh u 22 Run.
Kamtæ ka Meghalaya da booh thong ko 158 Run yaka Arunachal kawa da ye u kamai 93 Run deiwa haap lut ki Wicket yong ka. Haka Second Innings ka Meghlaya, kiwa kawang bol kiwa da lehbha toh u Baisoya 5/21 (Match Figures 7/40), u Magotra 3/35 wa u Rai 2/10.
Discussion about this post