Jop ka Mulang Ialong ha ka 3rd Division, ya drawn ha ka Super Division

Jowai: Ynne ka sngi ka WJDSA da pynman ko artylli ki yalehke ka wi ha ka kyrdan 3^rd Division wa ka wi ha ka kyrdan Super Division.

Ha ka 3^rd Division da yachem ka Mulang Ialong pyrchah ya ka Dongmihsngi heiwa ka Mulang Ialong da jop ko da 3-2.

Ya ki kool ka Mulang Ialong da thap u Dangait Mulieh ha ka minit wa 21 wa u Tellme Mulieh uwa thap ar kool ha ka minit wa 57 wa 60.

Ya ki kool ka Dongmihsngi da thap u Sanki Lyngdoh ha ka minit wa 48 wa u Ewanmidaoo Langstang ha ka minit wa 65.

Ha ka Super Division won, ka Chutwakhu da yachem ko wa ka Sohmynting tangwa ka yalehke da kut ko mar chi kool.

Related posts

Da ki yalehke wa kyrpang da pynkut ya ka National Sports Day ha Jowai

August 31, 2025

Da wai paidbah ya ka Grassroots Football Center ha chnong Umlyngsha

August 31, 2025

Ka Chutwakhu da thap nyngkong ko ha ka minit wa 8 lyngba u Mayalang Lanong tangwa ka Sohmynting won da ye ko u su kylliang ha chwa wow kut i por ha ka minit wa 85 lyngba ka kool u Meker Suting.

Myntsep ha ka 3rd Division heipor 12 waje pyrdi sngi daw yaleh ka Wahiajer pyrchah ya ka Kyndongtuber. Ha ka Super Division heipor 2 waje i sngi daw yaleh ka Khimusniang pyrchah ya ka 7 Wasa.