Ka 2nd Division ka West Jaiñtia District Sports Association (WJDSA) kawa tip kam ka 8th Debo Shullai Memorial Trophy da pteiñ ka ynne da le tylli ki yalehke.
Ha ka yalehke wa nyngkong, ka Mulang Ialong da jop ko ya ka NSA da 7-0 heiwa da yoh Hat-Tirck u Samehipaia Ryngki uwa da thap kool ha ka minit wa 49, 63 wa 79, u Nidaroi Mulieh ha ka minit wa 8, u Richard Dhar ha ka minit wa 13, u Heimon Dkhar ha ka minit wa 53 wa u Tympang Tangliang ha ka minit wa 59.
Ha ka yalehke wa ar, ka Risingsun Mukhla da jop ko ya ka Caroline Colony da 2-0 kiwa thap da u Alford Lyngdoh ha ka minit wa 2 wa u Stopper Bang ha ka minit wa 7.
Ka yalehke wa le da kut ko da 0-0 hapyrdi ka Iawmulong Nartiang wa ka Khliehmynkrem.
Discussion about this post