Jowai: Ha ka 3rd Division ka WJDSA wa pynman ynne ka sngi hapyrdi ka Muphlang waka Nangbah Pochnong, ka Muphlang da jop suk ko da 4-0.
Ya ki kool da thap le tylli da u Hepertson Rymbai ha ka minit wa 18, 54 wa 68 wa u Sunday Shylla ha ka minit wa 60.
Ha ka Super Division won ka Dulong pynrem ko ya ka Khimusniang da 2-0. Ya ki kool da thap da u Yookima Paswet ha ka minit wa 63 wa u Ilan Chyrmang ha ka minit wa 71.
Mynstep ha ka 3rd Division ka Newhill SC u yachem ko waka Mookyndur SC heipor 12 waje pyrdi sngi. Ha ka Super Division won ka 7 Wasa United u yachem ko waka Ladthadlaboh SC heipor 2 waje i sngi.
Discussion about this post