Jop ka Newhill waka Pammanik ha ka 3rd Division ka WJDSA

Ka 2nd Adelbert Laloo Memorial Trophy kawa man leh kam ka 3rd Division ka lympung yalehbol wa pynman da ka WJDSA dapoi ko cha ka sngi wa ar ynne da ki le tylli ki yalehke.

Haka yaleh wa nyngkong hapyrdi ka Mynso Blazon waka Mookaswan Dongneiñ da kut ko da 0-0.

Ha ka yalehke wa bood, ka Newhill da jop ko ya ka Catholic Youth Mihmyntdu da 2-0 lyngba ki kool wa thap da u Iakiru Dkhar haka minit wa 10 wa u Aiborlang Sumer haka minit wa 75 min.

Ha ka yalehke wa khddooh ynne ka sngi, ka Pammanik da jop ko ya ka Mulang Ialong da 4-1.

Related posts

Sa ha ka Vijay Hazare Trophy yoh spah Run u Kishan Lyngdoh yow pynjop ya ka Meghalaya

December 24, 2025

Pynbna ka Assam Warriors Academy yei pyrtuid kiwa chah jied na ka Trial wa pynman ha East Jaiñtia Hills

December 24, 2025

Ya ki kool ka Pammanik da thap da u Benedict Langstang haka minit wa 10, u Dawan Pakma haka minit wa 23 wa u Dame Talang haka minit wa 36 wa 70. Ya ka Mulang Ialong da thap da Waibha Shylla haka minit wa 64.

Ha ka 30 tarik, ki yalehke u man ko hapyrdi ka Ksehsylle Ialong pyrchah ya ka Khliehmyntdu Neinchnong heipor 11:00 waje i step, heipor 1:00 waje i sngi daw yachem ka Lumchyrmang Mihmyntdu waka Saindur Mihmyntdu katwa heipor 3:00 waje daw yachem ka Moodymmai waka Iong I Dahi FC.