Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.
Ha ka yalehke wa nyngkong, ka Nonglatem da jop ko ya ka Tympang da 5-0 lyngba ki kool wa thap da u Daioki Dkhar (OG) haka minit wa 49, u Watkletbha Nongrum haka minit wa 62 wa 64, u Bulmi Phawa haka minit wa 67 wa u Living Suja haka minit wa 73.
Ha ka yalehke wa ar won hapyrdi ka Mawsiang FC waka Moodymmai da kut ko da 0-0.
Ha ka yalehke wa khaddooh, ka Royal Pole Mihmyntdu da jop ko ya ka Iooksi Youth Welfare da 2-1. Ya ka Royal Pole Mihmyntdu da thap da u Mandamiat Khonglah haka minit wa 52 wa 62 katwa ya ka Iooksi Youth Welfare da thap da u Tympang Tangliang haka minit wa 26.
Mynstep wa man kawi ym pynman ya ki yalehke heiwa daw pteiñ won ha ka 28 tarik da ki yalehke hapyrdi ka Pamanik waka Madan Thadmuthlong heipor 11:00 waje i step, ka Catholik Youth Mihmyntdu waka Madankynsaw Mookyndeng heipor 1:00 waje i sngi iwa daw pynkut daka Mookaswan Dongneiñ waka Risingsun Mukhla heipor 3:00 waje noh chariñ ka sngi.
