Ka Nongtalang Mission CT da yoh rah ko yei naam kam ka Champion ha ka 1st T20 Maruti Ball Cricket Tournament 2025-26 wa pynlai da ka Sohkha Shnong Everlasting Sports Club (SSESC) hadien wa pynrem ko ya ka Aegon XI da 49 Run ha ka yalehke Final wa da pynman haka 22 tarik uni u bnai ha madan thymme yong ka chnong Sohkha.
Yei naam Man of the Match ha kani ka lympung da yoh rah da u Noondaystar Pohrmen deiwa kamai u 48 Run wei yoh u leh wow pynhaap 3 Wicket, neitæ yei naam Man of the Tournament leh da yoh rah da u Noondaystar Pohrmen hi.
Ha kani ka yakhun Final, ka Nongtalang Mission CT da jop ko yaka kylla-khlem wei da jied ko leh yow Bat chwa heiwa da yoh ko u kamai 106 Run na ki 20 Over deiwa haap 7 Wicket.
Uwa boon dooh wa yoh Wicket ya ka Aegon XI toh u Manbha Tariang katwa uwa kamai boon Run dooh toh u Kampher Pohlong.
Ka Aegon XI hawa kdong ya ka thong da yoh ko u kamai du 57 Run deiwa haap lut waroh ki Wicket ha ki 16 Over.
Kiwa yalehke wa yoh boon dooh ki Wicket ya ka Nongtalang Mission toh u Noondaystar Star Pohrmen wa u Brolin Khonglah kiwa yoh mar 3 Wicket.
Hachwa u sdang ka yalehke da em ka yalang tbian heiwa da yoh i klam na u V. Tongper, Waheh Chnong Sohkha Chnong.
Manda kut ka yalehke ha ka yalang wa pynlai da u Santosh Tongper, da yoh i klam na u Phrangsngi Khonglah, Secretary, Sohkha Chnong wa i klam na u Planning Lyngdoh kam u kongsan. Katwa yei kyntien e khublei da yoh na u Luminous Tongper, General Secretary, Sohkha Shnong Everlasting Sports Club.
Discussion about this post