Jowai: Ha ki le sngi ka Inter School Athletic Meet (ISAM) 2017 kawa sdang nadooh ka 10 tarik da wan chimbynta 633 ngut ki khynnah na ki 21 tylli ki skur ka West Jaiñtia Hills kiwa da yakhun wow rah yei naam jop ha ki yakop waphær waphær.
Na ki 633 ngut 338 ngut toh ki chynrang katwa 295 ngut toh ki kynthai.
Ynne ka sngi da pynhiar pyrda ya kani ka ISAM da ka M. Pde, DSEO hei emlang u DSO ka West Jaiñtia Hills u H. Shangpliang, u DSO ka East Jaiñtia Hills wa u DSO ka South West Khasi Hills.
Ka DSEO da man ko leh kam ka kongsan ha kani ka sngi wei hei klam yong ka da ong ko waka ISAM toh kawa yooluti ki khynnah man u snem khamtam ki tu wa em yei sap ha ki yalehke wa boon jait. Da ong ko leh wa ymtoh u pynsep-ai yei sap yong ki wei ye leh u yoh khih yoh khan na ki kaam sports. Heijooh i por da ong ko wa ym hoi u mylliñ leh yei puræ puthi.
Hawa kut waroh ki yakop da saam ya ki khusnaam waphær waphær cha kiwa jop ha ki kyrdan 14 snem chapoh, 16 snem chapoh wa 16 snem chaneiñ kiwa jop man ki kamni ha wah:
Yei naam Best Athlete yong ki chynrang wa em 14 snem chapoh da yoh u Donbok Lyngdoh na JNV Mukhla.
Yei naam Best Athlete yong ki kynthai wa em 14 snem chapoh da yoh ka Ioh-I Phawa na H.K. Singh Memorial School.
Yei naam Best Athlete yong ki chynrang wa em 16 snem chapoh da yoh u Rising Bareh na Jaiñtia Secondary School, Jowai.
Yei naam Best Athlete yong ki kynthai wa em 16 snem chapoh da yoh ka Durka Nartiang na Seiñraij HS School, Jowai.
Yei naam Best Athlete yong ki chynrang wa em 16 snem chaneiñ da yoh u Stephan Siangbood na North Liberty HS School, Jowai.
Yei naam Best Athlete yong ki kynthai wa em 16 snem chaneiñ da yoh ka Pynhun Shulet North Liberty HS School, Jowai.
Ha kani ka sngi da saam leh yei naam Best Team, wei kiwa jop man ki kamni ha wah:
Ha ka kyrdan 14 snem chapoh yong ki chynrang da rah ka JNV Mukhla.
Ha ka kyrdan 14 snem chapoh yong ki kynthai da rah ka St. Mary Mazzarello HS School, Jowai.
Ha ka kyrdan 16 snem chapoh yong ki chynrang da rah ka Jowai Govt. Boys HS School, Jowai.
Ha ka kyrdan 16 snem chapoh yong ki kynthai da rah ka North Liberty HS School, Jowai.
Ha ka kyrdan 16 snem chaneiñ yong ki chynrang da rah ka North Liberty HS School, Jowai.
Ha ka kyrdan 16 snem chaneiñ yong ki kynthai da rah ka North Liberty HS School, Jowai.
Da saam khaddoh ya ka Most Disciplined Team kawa da rah da ka Sabahmuswang UP School.
Discussion about this post